Showing posts with label Poetry. Show all posts
Showing posts with label Poetry. Show all posts
Muhammad Irfan
USEY BHOOL JA, USEY BHOOL JA....

KAHAN AA KE RUKNAY THAY RAASTEY
KAHAN MORR THA USEY BHOOL JA
WOH JO MIL GIYA USEY YAAD RAKH
JO NAHIN MILLA USEY BHOOL JA....

WOH TERAY NASEEB KI BARISHEN
KISI AUR CHATT PAY BARUS GAIN
DIL BEKHABER MERI BAAT SUN
USEY BHOOL JA, USEY BHOOL JA....

MAIN TO GUM THA TERAY HI DEHAAN MAIN
TERI AAS TERAY GUMAAN MAIN
SABA KEH GAI MERAY KAAN MAIN
MEARY SAATH, AA USEY BHOOL JA....

KISI AANKH MAIN NAHIN HAI ASHK-E-GHAM
TERAY BAAD KUCH BHI NAHIN HAI KUM
TUJHEY ZINDAGI NE BHULLA DIYA,
TU BHI MUSKURA, USEY BHOOL JA...

KAHIN CHAAK-E-JAAN KA RAFOO NAHIN
KISSI ASTEEN PAY LAHOU NAHIN
K SHAHED-E-RAAH-E-MALAAL KA
NA KHOON BAHA, USEY BHOOL JA....

KIYON ATTA HUA HAI GHUBAAR MAIN
ZINDAGI K FASHAAR MAIN
WOH JO DARJ THA TERAY BAKHAT MAIN
SO WOH HO GIYA, USEY BHOOL JA....

NA WOH AANKH HI TERI AANKH THI
NA HI WOH KHAAB TERAY KHAAB THAY
DIL-E-MUNTAZIR TO YEH KIS LIYEY
TERA JAAGNA, USEY BHOOL JA....

YEH JO RAAT DIN KA HAI KHAIL SA
USEY DEKH, US PAY YAQEEN NA KER
NAHIN MUMKIN KOI BHI MUSTAQIL
SIR-E-AIYNA, USEY BHOOL JA....

JO BISAAT-E-JAAN HI ULAT GIYA
WOH JO RAASTEY SE HI PALUT GIYA
USEY ROKNEY SE HASOOL KIYA
USEY MAT BULA, USEY BHOOL JA....

TO YEH KIS LIYE SHAB-E-HIJER KAY
USEY HER SITAREY MAIN DEKHNA
WOH FALAK JIS PAY MILLEY THAY HUM
KOI AUR THA, USEY BHOOL JA....
Labels: 0 comments | | edit post
Muhammad Irfan

KABHI KABHI MERE DIL MEIN KHAYAL AATA HAI

KABHI KABHI MERE DIL MEIN KHAYAL AATA HAI

K ZINDAGII TERI ZULFON KE NARM CHAAON MEIN
GUZARNE PAATI TO SHADAB HO BHI SAKTI THI
YE TEERAGI JO MIRI ZEEST KA MUQADDAR HAI
TERI NAZAR KI SHU’AON MEIN KHO BHI SAKTI THI

AJAB NA THA K MAIN BEGANA-E-ALAM HO KAR
TERE JAMAL KI RA’NAIYON MEIN KHO RAHTA
TERA GUDAZ BADAN TERI NEEMBAAZ AANKHEIN
INHEEN HASEEN FASANON MEIN MAHU HO RAHTA

PUKAARTI MUJHE JAB TALKHIYAAN ZAMAANE KI
TERE LABON SE HALAAVAT KE GHOONT PEE LETAA
HAYAAT CHEEKHTI PHIRTI BARHANAA SAR AUR MAIN
GHANERI ZULFON KE SAAYE MEIN CHHUP KE JEE LETAA

MAGAR YE HO NA SAKAA AUR AB YE AALAM HAI
K TU NAHIN TERA GHAM, TERI JUSTAJOO BHI NAHIIN
GUZAR RAHI HAI KUCHH IS TARHA ZINDAGI JAISE
ISE KISI KE SAHAARE KI AARZOO BHI NAHIN

ZAMAANE BHAR KE DUKHON KO LAGAA CHUKAA HOUN GALE
GUZAR RAHAA HOUN KUCHH ANJAANI RAH-GUZAARON SE
MUHEEB SAAYE MERI SIMT BARHTE AATE HAIN
HAYAAT-O-MAUT KE PURHAUL KHAARZAARON SE

NA KOI RAAH, NA MANZIL, NA ROSHNII KA SURAAG
BHATAK RAHI HAI ANDHERON MEIN ZINDAGI MERI
INHI ANDHERON MEIN REH JAOUNGA KABHI KHO KAR
MAIN JANTA HOUN MIRI HAM NAFAS MAGAR YUN HI

KABHI KABHI MERE DIL MEIN KHAYAAL AATAA HAI..

Labels: 0 comments | | edit post
Muhammad Irfan
ZIKR-E-SHAB-E-FIRAQ SE WAHASHAT USE BHI THI

ZIKR-E-SHAB-E-FIRAQ SE WAHASHAT USE BHI THI
MERI TARAH KISI SE MUHABBAT USE BHI THI

MUJH KO BHI SHAUQ THA NAYE CHEHRON KI DID KA
RASTA BADAL K CHALNE KI ADAT USE BHI THI

US RAT DER TAK WO RAHA MAHW-E-GUFTAGU
MASRUF MAIN BHI KAM THA FARAGAT USE BHI THI

SUNATA THA WO BHI SAB SE PURANI KAHANIYAN
TAZA RAFAQATON KI ZARURAT USE BHI THI

MUJH SE BICHAR K SHAHAR MAIN GHUL MIL GAYA WO SHAKHS
HALANKE SHAHAR BHAR SE RAQABAT USE BHI THI

WO MUJH SE BARH K ZABT KA ADI THA JI GAYA
WARNA HAR EK SANS QAYAMAT USE BHI THI
Labels: 0 comments | | edit post
Muhammad Irfan
RET PAR LIKH K MERA NAM MITAYA NA KARO

RET PAR LIKH K MERA NAM MITAYA NA KARO
ANKHEN SACH BOLTI HAIN PYAR CHUPAYA NA KARO

LOG HAR BAT KA AFSANA BANA LETE HAIN
SAB KO HALAT KI RUDAD SUNAYA NA KARO

YE ZARURI NAHIN HAR SHAKHS MASIHA HI HO
PYAR K ZAKHM AMANAT HAIN DIKHAYA NA KARO

SHAHAR-E-EHSAS MAIN PATTHAR BAHUT HAIN 'MOHSIN'
DIL KO SHISHE KE JHARONKHON MAIN SAJAYA NA KARO
Labels: 0 comments | | edit post
Muhammad Irfan
AB KE BARAS KUCH AISA KARNA

AB KE BARAS KUCH AISA KARNA
APNEY PICHLAY 12 MAH KE
DUKH SUKH KA ANDAZA KARNA
BISRI YAADEIN TAZA KARNA

SAADAH SA IK KAGAZ LE KAR
BHOOLEY BISREY PAL LIKH LENA
APNEY SAAREY KAL LIKH LENA

SAREY DOST IKHATTEY KARNA
SARI SUBHAIN HAZIR RAKHNA

AUR ELLAWAH IN KE DEKHO
SAREY MOUSAM DEHAAN MEIN RAKHNA
IK IK YAAD GUMAAN MEIN RAKHNA

PHIR MOHTAAT QAYAAS LAGANA
GAR TO KHUSHIAN BARH JATI HAIN
TO PHIR TUM KO MERI TARAF SE
ANEY WALA ~SAAL MUBARAK~

AUR AGAR GHUM BARH JAIN TO
MUT BEKAAR TAKALLUF KARNA
DEKHO PHIR TUM AISA KARNA

“MERI KHUSHIAN TUM LE LENA
MUJH KO APNEY GHUM DE DENA....

ITANII MUDDAT BAAD MILE HO
KIN SOCHOON MEIN GUM RAHATE HO

TEZ HAVAA NE MUJH SE PUUCHHAA
RET PE KYAA LIKHATE RAHATE HO

KAUN SII BAAT HAI TUM MEIN AISII
ITANE ACHCHHE KYOUN LAGATE HO

HAM SE NA PUUCHHO HIJR KE QISSE
APANII KAHO AB TUM KAISE HO
Labels: 0 comments | | edit post